தமிழ்நாடு சட்டமன்றப் பொதுத்தேர்தலுக்குப் பிறகு, தவெக அரசுக்கு ஆதரவளிப்பது குறித்து அதிமுகவில் இருவேறு கருத்துகள் உருவாகின.பொதுச்செயலாளர் எடப்பாடி பழனிச்சாமி,எதிர்நிலை எடுக்க,எஸ்.பி.வேலுமணி,
சி.வி.சண்முகம் தலைமையிலான அணி தவெக அரசுக்கு ஆதவளித்தது.
அன்று முதலே அதிமுக இரு அணிகளாகச் செயல்பட்டு வருகிறது.அப்போது எழுந்த உள்கட்சி பூசல் தற்போது வரை நீடித்துவருகிறது.பொதுத்தேர்தல் தோல்வி குறித்து விவாதிக்க பொதுக்குழுவைக் கூட்டுமாறு அதிருப்தி
அணியினர் வலியுறுத்தினர்.
இதற்கிடையே,அதிமுகவைச் சேர்ந்த 6 சமஉக்கள் தங்களது பதவிகளிலிருந்து விலகி,தவெகவில் இணைந்தனர். இவர்களில் 2 பேர் இடைத்தேர்தலில் தவெக சார்பில் போட்டியிட்டு வெற்றியும் பெற்றனர்.கடந்த தேர்தலில் வென்ற அதிமுக இந்த இரு தொகுதிகளிலும், இம்முறை 3 ஆம் இடத்தைப் பிடித்தது.
இதன்தொடர்ச்சியாக அதிமுகவில் உட்கட்சி பூசல் தீவிரமடைந்துள்ளது. இதற்கு மேல் எடப்பாடி பழனிச்சாமி
அதிமுக தலைமை பொறுப்பை வகிக்கக்கூடாது என்பதில் வேலுமணி தரப்பு உறுதியாக உள்ளதாகத் தெரிகிறது.
இந்நிலையில்,கடந்த சில நாட்களாக வேலுமணி,சண்முகம் உள்ளிட்ட அதிருப்தி சமஉக்கள் அடுத்தகட்ட நடவடிக்கை குறித்து ஆலோசித்தனர்.
இதில் நாமும் பதவி விலகி, தவெகவில் இணைந்து இடைத்தேர்தலை எதிர்கொள்ளலாமா? என
ஆலோசிக்கப்பட்டதாகச் சொல்லப்பட்டது.
அப்படியில்லாமல்,போட்டி பொதுக்குழுவைக் கூட்டி பொதுச்செயலாளர் பதவியிலிருந்து எடப்பாடி பழனிச்சாமியை நீக்கிவிட்டு,கட்சியைக் கைப்பற்றி தவெக அரசுக்கு அதிமுக சார்பில் ஆதரவளிப்பது தொடர்பாக இரகசியத் திட்டம் தீட்டி வருவதாகவும் பல்வேறு மாவட்டச் செயலாளர்களை தொலைபேசி வழியாக தொடர்புகொண்டு பேசி
வருவதாகவும் தகவல் வெளியாகியுள்ளது.
இதனால்,அதிமுக வட்டாரங்களில் பெரும் பரபரப்பு நிலவிவருகிறது.
