கபாலி படத்தின் சிறப்புக் காட்சியை முதல் முதலில் பார்க்கும் வாய்ப்பு அமெரிக்காவில் உள்ள சிலருக்குக் கிடைத்துள்ளது. காரணம் படத்தின் நாயகன் ரஜினிகாந்த் தற்போது அமெரிக்காவில் இருப்பது தான். ரஜினிக்காக போடப்பட்ட இந்த அமெரிக்க சிறப்புக் காட்சிதான் உலகில் அதிகாரப்பூர்வமாக திரையிடப்பட்ட கபாலியின் முதல் காட்சி. இந்தக் காட்சியில் ரஜினியுடன் 30-க்கும் மேற்பட்டோர் படம் பார்த்தனர்.
ரஜினி கபாலியாக அறிமுகமாகும் காட்சி, தியேட்டரை அதிரவைக்கும் என்பதே அத்தனைப் பேரின் கருத்தாகவும் உள்ளது. ரஜினிக்குப் பொருத்தமான கதையைத் தேர்வு செய்த இயக்குநர் ரஞ்சித், அவரை மிக அருமையாக பயன்படுத்தியுள்ளதாகவும் குறிப்பாக க்ளைமாக்ஸ்தான் படத்துக்கு ஜீவன் என்று பெரும்பாலானோர் குறிப்பிட்டுள்ளனர்.
ரஜினியின் கேரியரில் பாட்ஷா, படையப்பா, சிவாஜி, எந்திரனை விட மிகப் பெரிய வெற்றியை கபாலி படைக்கும். என்றும் ப்ளாஷ்பேக் காட்சியில் வரும் இளம் ரஜினி நிச்சயம் ரஜினி ரசிகர்களைப் பரவசப்படுத்துவார் என்றும், இந்த வயதிலும் இத்தனை ஆக்ரோஷமாக ஆக்ஷன் காட்சிகளில் ரஜினியால் எப்படி நடிக்க முடிந்தது என வியப்புத் தெரிவித்துள்ளார்கள் படம் பார்த்தவர்கள்.
