ஜோக்கர் படத்துக்கு விருது, கருத்து சுதந்திரத்துக்கு வழி – இயக்குநர் ராஜுமுருகன் பெருமிதம்


64-வது தேசிய திரைப்பட விருதுகள் டெல்லியில் ஏப்ரல் 7 ஆம் தேதி வெள்ளிக்கிழமை அறிவிக்கப்பட்டது.

இதில் ராஜூமுருகன் இயக்கத்தில் வெளியான ‘ஜோக்கர்’ சிறந்த தமிழ்ப் படத்திற்கான விருதை வென்றுள்ளது. அந்தப் படத்தில் இடம்பெற்ற ‘ஜாஸ்மீன்’ பாடலைப் பாடிய சுந்தராஐயருக்கு சிறந்த பின்னணிப் பாடகர் விருதைப் பெறவுள்ளார்.

சிறந்த திரைப்பட விமர்சகருக்கான விருது தனஞ்சயனுக்கு அறிவிக்கப்பட்டுள்ளது.

சிறந்த பாடலாசிரியர் – வைரமுத்து (தர்மதுரை)

சீனுராமசாமி இயக்கத்தில் விஜய் சேதுபதி நடிப்பில் வெளியான படம் ‘தர்மதுரை’. இப்படத்தில் இடம்பெற்ற ‘எந்தப்பக்கம்’ பாடலுக்காக, வைரமுத்து சிறந்த பாடலாசிரியர் விருது வென்றுள்ளார். இப்படத்துக்கு யுவன் சங்கர் ராஜா இசையமைத்திருந்தார்.

’24’ படத்துக்கு 2 விருதுகள்

விக்ரம்குமார் இயக்கத்தில் சூர்யா நடிப்பில் வெளியான ’24’ படத்துக்கு சிறந்த தயாரிப்பு வடிவமைப்பு மற்றும் சிறந்த ஒளிப்பதிவாளராக திருவுக்கு விருது கிடைத்துள்ளது

தேசிய விருதுகள் பட்டியல்:

சிறந்த படம்: மராட்டிய மொழிப் படம் – காசவ்

சிறந்த இயக்குநர்: ராஜேஷ் மபுஸ்கா – மராட்டிய படம்- வென்டிலேட்டர்

சிறந்த தமிழ்ப் படம்: ஜோக்கர்

சிறந்த நடிகை: சி.எம்.சுரபி – மலையாளப் படம் மினாமினுகு படத்தில் நடித்தமைக்காக

சிறந்த நடிகர்: அக்‌ஷய் குமார் ரூஸ்டம்

சிறந்த உறுதுணை நடிகை: ஜாய்ரா வாசிம் – தங்கல்

சிறந்த பாப்புலர் திரைப்படம் – சதாமனம் பவதி (தெலுங்கு)

சிறந்த குழந்தைகள் திரைப்படம் – தனக்

சிறந்த அனிமேஷன் திரைப்படம்- மஹோயோத ரானா (இந்தி)

சிறந்த சண்டை வடிவமைப்பு: பீட்டர் ஹெய்ன் (புலிமுருகன்)

சிறந்த குழந்தை நட்சத்திரம்: அதீஷ் பிரவீன் (படம்: குஞ்சு தெய்வம்), சாஜ் (படம்: நூர் இஸ்லாம்), மனோகரா (படம்: ரயில்வே சில்ட்ரன்)

சிறந்த பின்னணி பாடகி: இமான் சக்ரபர்த்தி

சிறந்த பின்னணி பாடகர்: சுந்தரா ஐயர் (ஜோக்கர்)

சிறந்த திரைக்கதை (ஒரிஜினல்): ஷ்யாம் புஷ்கரன்

சிறந்த திரைக்கதை (தழுவல்): சஞ்சய் கிருஷ்ணஜி படேல்

சிறந்த நடன அமைப்பு: ராஜூ சுந்தரம் (ஜனதா கார்கே)

சிறந்த இசையமைப்பு: பாபு பத்மநாபா (அலமா)

சிறந்த ஒப்பனை: எம்.கே.ராமகிருஷ்ணா

சிறந்த எடிட்டிங்: ராமேஷ்வர் – வென்டிலேட்டர்

சிறந்த ஒப்பனை: சைக்கிள் திரைப்படத்துக்காக சச்சின் லவேல்கர்

சிறந்த ஒலி வடிவமைப்பு: காடு பூக்கும் நேரம் – ஜெயதேவன் சக்கா தத்

சிறந்த துணை நடிகர்: தசாகிரியா – மராத்தி

சுற்றுச்சூழல் நலன் பேணும் சிறந்த திரைப்படம் – தி டைகர் வூ கிராஸ்ட் தி லேன் (The Tiger who crossed the lane)

சமூக பிரச்சனைகள் சார்ந்த சிறந்த திரைப்படம் – அமிதாப் பச்சனின் ‘பிங்க்’

தேசிய ஒறுமைப்பாட்டை பறைசாற்றியதற்காக நர்கீஸ் தத் விருது பெறும் திரைப்படம்: திக்சோவ் பனாத்

அறிமுக இயக்குநருக்கான இந்திராகாந்தி விருது பெறும் சிறந்த திரைப்படம்: அலிபா (வங்கமொழி) இயக்குநர்- தீப் சவுத்ரி

சினிமா துறைக்கு இணக்கமான மாநிலம்: உத்தரப் பிரதேசம்.

சிறந்த திரைப்பட விமர்சகர்: தனஞ்சயன்

சிறந்த பிராந்திய மொழி திரைப்படங்கள்:
* மதிபூர் (துளு)

* ஜோக்கர் (தமிழ்)

* ராங்சைட் ராஜூ (குஜராத்தி)

* பெல்லி சூப்புலு (தெலுங்கு)

* தசகரியா (மராத்தி)

* பிஸார்ஜன் (வங்காளம்)

* மகேஷின்ட பிரதிகாரம் (மலையாளம்)

* கே சரா சரா (கொங்கனி)

* ரிசர்வேஷன் (கன்னடம்)

* நீர்ஜா (இந்தி)

2 தேசிய விருது பெற்ற ஜோக்கர் திரைப்படத்தின் படக்குழு கலந்துகொண்ட பத்திரிக்கையாளர் சந்திப்பு நடைபெற்றது. இதில் தயாரிப்பாளர் எஸ்.ஆர்.பிரபு , இயக்குநர் ராஜு முருகன் , நாயகன் சோம சுந்தரம் , இசையமைப்பாளர் ஷான் ரோல்டன் ஆகியோர் கலந்துகொண்டனர்.

நிகழ்ச்சியில் இயக்குநர் ராஜு முருகன் பேசியது , நான் ஒரு நல்ல படத்தை இயக்க வேண்டும் என்று நினைத்தேன் , இப்படம் அனைவரின் ஒத்துழைப்பில் திரையரங்குக்கு வந்ததே மிகப்பெரிய வெற்றி. ஜோக்கர் திரைப்படம் இங்கு இருக்கும் அனைவரும் தங்களுடைய கருத்தை சுதந்திரமாக பேச வழிவகுத்து தந்துள்ளது எனக்கு மகிழ்ச்சியை அளிக்கிறது. இப்படத்தின் நாயகன் குரு சோமசுந்தரம் பாலிவுட் நடிகர் நாவசுதின் சித்திக் போன்ற மிக சிறந்த நடிகர் என்றார் இயக்குநர் ராஜு முருகன்.

Leave a Response