கங்காரு நாயகனை மாற்றினால் பத்துஇலட்சம். திரைக்குப் பின் நடந்த பேரம்

சாமி இயக்கத்தில் கங்காரு படத்தில் பாசமுள்ள அண்ணனாக நடித்திருப்பவர் அர்ஜுனா. பொறியியல் பட்டதாரியான இவர் அறிமுகம் ஆனது என்னவோ மலையாளப் படத்தில்தான்.
ரஞ்சித்குமார் என்ற பெயருடன் மலையாளத்தில் சிறிதும் பெரிதுமாக 15
படங்களில் நடித்திருக்கிறார். ‘விண்ணைத் தாண்டி வருவாயா’ படத்தில்  த்ரிஷாவின் அண்ணனாக வருபவர் இவர் தான்.
பல படங்களில் நடித்திருந்தாலும் பெயர் பெறப் போவது
வரவிருக்கும்’கங்காரு’ தமிழ்ப்படம் மூலம்தான்.

‘கங்காரு’ வில்  நாயகனாக அர்ஜுனா தேர்வானது எப்படி..?என்று கேட்டதும் இயக்குனர் சாமி மகிழ்ச்சியுடன் பேச ஆரம்பித்தார்

“அது 2006 ஆம் ஆண்டு
நான் ‘உயிர்’ படம் எடுக்கும் போது படத்தின் ஒளிப்பதிவாளர் பவுசியாவின்மலையாளி நண்பர் அருண் பழக்கம். அவர் மூலம் இவர் அறிமுகமானார்.நான் ‘சரித்திரம்’ படம் இயக்கிய போது கலாபவன் மணியின் மகனாக நடிக்கவைத்தேன் சிறு வேடமென்றாலும் அவரிடம் திறமை மட்டுமல்ல சகிப்புத்தன்மையும் அர்ப்பணிப்பு உணர்வும் இருப்பதைக் கண்டேன்.

பிறகு ‘கங்காரு’ வாக  நடிக்க வைக்கச் சரியான நபரை ஆறு
மாதங்கள் தேடினோம்.ஆறேழு பேர் பார்த்தேன் .யாரும் திருப்தியில்லை.
கடைசியில் இவரை’கங்காரு’ வில் நடிக்க வைப்பது என்று முடிவு செய்து விட்டேன் அப்போது ஒருதயாரிப்பாளர் வந்து தன் மகனை அந்த ரோலில் நடிக்க வைக்க பத்துலட்சம் தருவதாகக் கூறினார். அறிமுகம் செய்யுங்கள் என்றார் நீங்கள் ஒரு கோடிரூபாய் கொடுத்தாலும் நான் நடிகனை மாற்ற மாட்டேன். என்று கூறித் திருப்பிஅனுப்பினேன். அந்த அளவுக்கு அர்ஜுனா மீது எனக்கு நம்பிக்கை இருந்தது. படப்பிடிப்புக்குப் போனபிறகு என் கருத்து சரியானதுதான் என்று மெய்ப்பித்தார்.