இருநாட்களுக்கு முன்பு ஈரோட்டில் நடந்த ஒரு நிகழ்ச்சியில் பேசிய தமிழ்நாடு வருவாய்த்துறை அமைச்சர்
செங்கோட்டையன்,மிக விரைவில் அதிமுகவில் இருந்து 15 பேர் வெளியே வர உள்ளனர். அதிமுகவைச் சேர்ந்த நிர்வாகிகள் சிலர் கூட்டம் கூட்டி பேசி வருகின்றனர். இன்று பலரால் தேர்தல் களத்தில் நிற்கக்கூட முடியவில்லை என்பதே நிஜம்.தேர்தலில்‘நான் வருவேன், நீ வருவாய்’ என பேசியவர்கள் எல்லாம் இரண்டு,மூன்றாம்
இடத்துக்குச் சென்றுவிட்டனர் என்றார்.
அண்டைமாநிலமான கர்நாடகாவில் காங்கிரசு ஆட்சி நடந்துவருகிறது.அம்மாநில முதல்வர் டி.கே.சிவகுமார்
அண்மையில் நடந்த அமைச்சரவைக் கூட்டத்தில்,அரசுக்குக் கெட்ட பெயரை ஏற்படுத்த பாஜகவினர் முயற்சித்து வருகின்றனர் எனக் குற்றம்சாட்டினார்.
அதற்கு விடையளிக்கும் வகையில் பேசிய கர்நாடக மாநில பாஜக தலைவர் விஜயேந்திரா,காங்கிரசு அரசுக்கு
எதிராக எந்தச் சதியும் செய்யவேண்டிய அவசியம் எங்களுக்கு இல்லை.தேர்தலுக்கு முன்பாக அக்கட்சியை சேர்ந்த 25 எம்எல்ஏக்கள் பாஜகவில் சேரத் தயாராக இருக்கிறார்கள் என்றார்.
கர்நாடகத்தில் 25 காங்கிரசு சட்டமன்ற உறுப்பினர்கள் பாஜகவில் சேருவார்கள் என அம்மாநில பாஜக தலைவர் சொல்லுகிறார்.தமிழ்நாட்டில் 15 அதிமுக சட்டமன்ற உறுப்பினர்கள் தவெகவில் சேருவார்கள் என செங்கோட்டையன் கூறுகிறார்.
இதைத் தொடர்ந்து,கர்நாடகம் மட்டுமின்றி ஒன்றியம் முழுவதும்,தம் அதிகாரத்தைத் தவறாகப் பயன்படுத்தி,பிறகட்சியின் தேர்ந்தெடுக்கப்பட்ட மக்கள் பிரதிநிதிகளை விலைக்கு வாங்கும் இழிசெயலை பாஜக செய்துவருகிறது.அந்த இழிசெயலை தமிழ்நாட்டில் தவெக செய்வதாக விமர்சனங்கள் வந்துகொண்டிருக்கின்றன.
