தமிழ்நாட்டில் 10, 11, 12 ஆம் வகுப்புகளுக்கான பொதுத்தேர்வு கால அட்டவணையை பள்ளிக் கல்வித் துறை அமைச்சர் அன்பில் மகேஷ் பொய்யாமொழி இன்று (நவம்பர் 16) காலை 9.30 மணியளவில் வெளியிட்டார்.
அதன்படி, 10 ஆம் வகுப்புக்கு மார்ச் 26 தொடங்கி ஏப்ரல் 8 ஆம் தேதி வரையிலும், பதினொன்றாம் வகுப்பு மாணவர்களுக்கு மார்ச் 4 ஆம் தேதி தொடங்கி மார்ச் 25 ஆம் தேதி வரையிலும் தேர்வுகள் நடைபெறுகின்றன. 12 ஆம் வகுப்பு பொதுத் தேர்வு மார்ச் 1 ஆம் தேதி தொடங்கி மார்ச் 22 ஆம் தேதி வரையிலும் நடைபெறுகிறது.
செய்முறைத் தேர்வுகள்…..
10 ஆம் வகுப்பு மாணவர்களுக்கு பிப்ரவரி 23 ஆம் தேதி செய்முறைத் தேர்வு தொடங்குகிறது. 29 ஆம் தேதி வரை நடைபெறுகிறது. 11 ஆம் வகுப்பு மாணவர்களுக்கு பிப்ரவரி 19 ஆம் தேதி தொடங்கி 24 ஆம் தேதி வரை நடைபெறுகிறது. பனிரெண்டாம் வகுப்பு மாணவர்களுக்கு செய்முறைத் தேர்வு பிப்ரவரி 12 இல் தொடங்கி பிப்ரவரி 17 வரை நடைபெறுகிறது.
10 ஆம் வகுப்பு தேர்வு அட்டவணை
தமிழ் 26.03.2024,
ஆங்கிலம் 28.03.2024,
கணிதம் 01.04.2024
அறிவியல் 04.04.2024
சமூக அறிவியல் 08.04.2024
12 ஆம் வகுப்பு தேர்வு அட்டவணை
மொழிப் பாடம் – 01.03.2024
ஆங்கிலம் – 05.03.2024
கணினி அறிவியல், உயிரி-அறிவியல், புள்ளியியல் – 08.03.2024
வேதியியல், கணக்குப் பதிவியியல், புவியியல் – 11.03.2024
இயற்பியல், பொருளாதாரம், கணினி தொழில்நுட்பம் – 15.03.2024
கணிதம், விலங்கியல், நுண் உயிரியல் – 19.03.2024
உயிரியல், தாவரவியல், வரலாறு, வணிகக் கணிதம் மற்றும் புள்ளியியல், பேசிக் எலக்ட்ரானிக்ஸ் பொறியியல், பேசிக் சிவில் பொறியியல், பேசிக் ஆட்டோமொபைல் பொறியியல், பேசிக் மெக்கானிக்கல் பொறியியல், டெக்ஸ்டைஸ் டெக்னாலஜி, ஆஃபீஸ் மேனேஜ்மென்ட் அண்ட் செக்ரட்டரிஷிப் – 22.03.2024
.
தேர்வு முடிவுகள்.
10 ஆம் வகுப்புக்கு மே.10 ஆம் தேதி தேர்வு முடிவுகள் வெளியிடப்படுகிறது.
11 ஆம் வகுப்புக்கு மே.14 ஆம் தேதியும்,
12 ஆம் வகுப்பு மாணவர்களுக்கு மே 6 ஆம் தேதியும் தேர்வு முடிவுகள் வெளியிடப்படுகின்றன.
அடுத்தாண்டு மக்களவைத் தேர்தல் நடைபெற உள்ளதால் பொதுத் தேர்வுகளை அதற்கு முன்பாக நடத்தி முடிக்க பள்ளிக்கல்வித் துறை திட்டமிட்டது. இந்நிலையில் மக்களவைத் தேர்தல், உயர் கல்விக்கான தேசிய நுழைவுத் தேர்வுகள் ஆகியனவற்றைக் கருத்தில் கொண்டு பொதுத் தேர்வுக்கான கால அட்டவணை தயாரிக்கப்பட்டு வெளியிடப்பட்டுள்ளது.மாணவர்கள் பொதுத் தேர்வுகளை சிரமமின்றி எதிர்கொள்ளும் வரையில் போதிய இடைவெளி விட்டு தேர்வுகள் நடத்தப்படுகின்றன.
கடந்த ஆண்டை ஒப்பிடும்போது தேர்வு நடைபெறும் நாட்கள் சற்றே முன்னதாக இருந்தாலும்கூட வரும் அரையாண்டுத் தேர்வுக்குள்ளதாகவே பாடத்திட்டத்தை முடித்து மாணவர்களைத் தயார்படுத்திவிடலாம் என்று ஆசிரியர்கள் நம்பிக்கை தெரிவித்துள்ளனர்.
இவ்வாறு அமைச்சர் கூறினார்.
