அதர்வா நடிப்பில் உருவான ‘ஜெமினி கணேசனும் சுருளிராஜனும்’ படத்தை அம்மா கிரியேஷன்ஸ் நிறுவனம் சார்பில் டி.சிவா பிரம்மாண்டமாக தயாரித்துள்ளார். இந்த படம் அம்மா கிரியேஷன்ஸ் நிறுவனத்திற்கு வெள்ளி விழா படம் என்பது குறிப்பிடத்தக்கது. இப்படத்தை ஓடம் இளவரசு இயக்கி வருகிறார்.
அதர்வாவுக்கு ஜோடியாக ரெஜினா கஸாண்ட்ரா, ஐஸ்வர்யா ராஜேஷ், ப்ரணிதா சுபாஷ், அதீதி போஹன்கர் என நான்கு நாயகிகள் நடித்துள்ளனர். இவர்களுடன் காமெடி நடிகர் சூரியும் நடித்துள்ளார். படத்திற்கு டி.இமான் இசையமைத்துள்ளார். இப்படத்தின் பாடல்கள் வருகிற 23-ம் தேதி வெளியாகிறது.
இந்த ஆடியோ விழாவை பிரம்மாண்டமாக நடத்த படக்குழுவினர் முடிவு செய்துள்ளனர். அதன்படி, சென்னை கலைவாணர் அரங்கத்தில் இப்படத்தின் ஆடியோ விழாவை பிரம்மாண்டமாக நடத்தவுள்ளனர். இந்த விழாவில் படத்தில் நடித்துள்ள அனைத்து நட்சத்திரங்களும் கலந்துகொள்ள உள்ளனர்.
