தனியார்பள்ளி மாணவர்களை வியக்கவைத்த,அரசுப்பள்ளி மாணவர்கள்

முன்னாள் குடியரசுத்தலைவர் அப்துல் கலாமின் பிறந்த நாள், இளைஞர் எழுச்சி நாளாகக் கொண்டாடப்பட்டது.

இதையொட்டி, அரசுப் பள்ளி மாணவர்களின் அறிவியல் தயாரிப்புகள் இடம் பெற்ற கண்காட்சி, சென்னை கிறிஸ்தவ கல்லுாரி பள்ளியில் நடந்தது. பள்ளிக்கல்வி அமைச்சர் வீரமணி, முதன்மை செயலர் சபிதா,இயக்குனர்கள் கண்ணப்பன், இளங்கோவன் மற்றும் ராமேஸ்வர முருகன் உள்ளிட்டோர், கண்காட்சியை பார்வையிட்டு, மாணவர்களை பாராட்டினர்.

அரியலுார் மாவட்டம், காளையங்குறிச்சி, அரசு உயர்நிலைப் பள்ளி மாணவர்கள், கலாமின் சிறு வயது முதலான புகைப்படங்களையும்,அவர் பணியாற்றிய ராக்கெட் திட்டங்களின் மாதிரிகளையும் வைத்திருந்தனர். புதுக்கோட்டை பள்ளி மாணவர்கள், காற்றில் இயங்கும் விமானம் செய்து பறக்கவிட்டனர். இதேபோல்,மாற்றுத்திறனாளிகளுக்கான கைத்தறி கருவி, குப்பையிலிருந்து மின்சாரம் தயாரிக்கும் சாதனம் உள்ளிட்ட, பலவித அறிவியல் கண்டு பிடிப்புகள், கண்காட்சியில் இடம் பெற்றன.

அரசுப் பள்ளி மாணவர்களின் இந்த தயாரிப்புகளை, தனியார் பள்ளி மாணவர்கள் பார்வையிட்டு, அதன் செயல்பாடுகள் குறித்து விளக்கம் கேட்டனர்; திறமையை வியந்து பாராட்டினர்.

 

Leave a Response