உலகின் பெரும்பணக்காரர்களின் பட்டியவை புளூம்பர்க் என்கிற நிறுவனம் வெளியிட்டு வருகிறது. அதில் பல ஆண்டுகளாக முதலிடத்தில் இருந்தார் பில்கேட்ஸ்.
அமேசான் நிறுவனர் ஜெஃப் பெசோஸ் பில்கேட்ஸை பின்னுக்குத் தள்ளி முதலிடம் பிடித்தார்.
இந்நிலையில், பிரான்சின் எல்விஎம்ஹெச் நிறுவனத்தின் தலைமை செயலதிகாரி பெர்னார்ட் அர்னால்ட் இரண்டாம் இடத்தில் இருந்த மைக்ரோசாஃப்ட் நிறுவனர் பில்கேட்ஸைப் பின்னுக்குத் தள்ளியிருப்பதாக புளூம் பர்க் கூறியுள்ளது.
தற்போதும் ஜெஃப் பெசோஸ் 125 பில்லியன் டாலர் சொத்துகளுடன் முதலிடத்திலும், 108 பில்லியன் டாலர் சொத்துக்களுடன் பெர்னார்ட் 2 ஆம் இடத்திலும், 107 பில்லியன் டாலர் சொத்துக்களுடன் பில்கேட்ஸ் 3 ஆம் இடத்திலும் உள்ளனர்.
பில்கேட்ஸ் தனது அறக்கட்டளைக்கு 35 பில்லியன் டாலரை நன்கொடையாக வழங்கியுள்ளார்.இல்லையென்றால் அவரே முதலிடத்தில் நீடித்திருப்பார் என புளூம்பர்க் நிறுவனம் கூறியுள்ளது.
