பிரதமர் மோடி குறித்து தன்னுடைய சமூகவலைதளப் பக்கத்தில் இராகுல்காந்தி வெளியிட்டுள்ள பெரும் வேகமாக பரவி வருகிறது.
அதில், விரக்தியடைந்து, ஏமாற்றமடைந்துள்ள பிரதமர் மோடி பேசும் வார்த்தைகளைக் கேளுங்கள்; மக்களின் வீட்டில் உள்ள அறை, கழுத்தில் உள்ள தாலி, எருமை ஆகியனவற்றை காங்கிரசு பறிக்கும் எனக் கூறுகிறார் பிரதமர் மோடி.இப்படி அபத்தமான, பொய்யான விசயங்களை பிரதமர் நரேந்திர மோடி சொல்கிறார் என இராகுல் காந்தி குற்றம்சாட்டியுள்ளார்.
அதில், இராகுல் காந்தி தெரிவித்துள்ளதாவது….
விரக்தியடைந்த, ஏமாற்றமடைந்த மற்றும் தோல்வியடைந்த பிரதமரின் வார்த்தைகளைக் கேளுங்கள்:
– உங்கள் வீட்டில் உள்ள அறையை காங்கிரசு பறித்துவிடும்
– உங்கள் கழுத்தில் உள்ள மங்களசூத்திரத்தை காங்கிரசு பறிக்கும்
– காங்கிரசு உங்கள் எருமையைப் பறிக்கும்
300-க்கு 150-க்கும் மேற்பட்ட இடங்களை தன்னிடம் இருந்து பறித்து காங்கிரசு ஆட்சி அமைக்கிறது என்பதற்காகவே நரேந்திர மோடி இதுபோன்ற தவறான, பொய்யான விஷயங்களைச் சொல்கிறார்.
இந்த அச்சத்தில், பிரதமர் என்ற கண்ணியத்தை மறந்து, ‘பொய்களின் இயந்திரமாக’ மோடி மாறிவிட்டார்
இந்திய அரசு பொதுமக்களிடம் இருந்து எடுக்காது, அவர்களுக்குக் கொடுக்கும் – மோடி தனது கோடீஸ்வர நண்பர்களுக்கு செலவழித்த அதே தொகையை மக்களுக்குக் கொடுக்கும்..
நமது அரசு அதானிகளின் ஆட்சியாக இருக்காது, இந்துஸ்தானியர்களின் ஆட்சியாக இருக்கும்
இவ்வாறு இராகுல் காந்தி தெரிவித்துள்ளார்.
