காவல்துறை அதிகாரியாக சீமான் நடிக்கும் முந்திரிக்காடு

தமிழர் நலம் கலை பண்பாட்டு இயக்கம் என்ற பட நிறுவனம் தயாரிக்கும் படத்திற்கு முந்திரிக்காடு என்று பெயரிட்டுள்ளனர்.

இந்தப் படத்தில் இயக்குநர் சீமான் காவல்துறை அதிகாரியாக கதையின் முக்கிய கதாப்பாத்திரத்தில் நடிக்கிறார்.

நாயகனாக புகழ் என்பவர் அறிமுகமாகிறார். இவர் இந்திய கம்யூனிஸ்ட் கட்சியின் மூத்த தலைவரான சி.மகேந்திரனின் மகன். கதாநாயகியாக சுபபிரியா நடிக்கிறார். மற்றும் ஜெயராவ், சோமு, சக்திவேல், ஆம்பல்திரு, கலைசேகரன் , பாவாலட்சுமணன் ஆகியோரும் நடிக்கிறார்கள்.

ஒளிப்பதிவ – ஜி.ஏ.சிவசுந்தர்,இசை – ஏ.கே.பிரியன்.
(இவர் ஏ.ஆர்.ரகுமானின் இசைப்பள்ளி மாணவர் 17 வயது கொண்ட இளைஞர் )

பாடல்கள் – கவிபாஸ்கர், படத்தொகுப்பு -எல்.வி.கே.தாஸ்

கதை, திரைக்கதை, வசனம் எழுதி இயக்குகிறார் – மு.களஞ்சியம்.

படம் பற்றி இயக்குநரிடம் கேட்டோம்…

சமீபத்தில் இந்த படத்தின் முதல்பார்வையை, ஹாரிஸ் ஜெயராஜ் அவர்களிடம் வெளியிடக் கேட்டோம். எந்த மறுப்பும் சொல்லாமல் சம்மதம் தெரிவித்ததோடு அல்லாமல் ஒவ்வொரு கலைஞர்களுக்கும் வாழ்த்து தெரிவித்து வெளியிட்டார்.

அவர் வெளியிட்ட ராசி ஏறக்குறைய இருபது லட்சம் பேர் அதை பார்த்துள்ளனர். அதோடு இல்லாமல் உலகம் முழுக்க உள்ள நண்பர்கள் எனக்கு வாழ்த்து தெரிவித்தனர்.

ஆணவக் கொலை பற்றிய பதிவாக இந்த முந்திரிக்காடு இருக்கும். அதை மையப் படுத்தி அந்த முதல்பார்வை வடிவமைக்கப் பட்டது. அதற்கு நல்ல வரவேற்பு கிடைத்திருக்கிறதென இயக்குநர் மு.களஞ்சியம் கூறினார்.

Leave a Response