ரெமோ படத்துக்காகப் பிரமாண்டமாகத் தயாராகியிருக்கும் மியூசிக் வீடியோ

ரெமோ படத்தின் விளம்பரத்திற்காக சிறப்பான முறையில் பிரத்தியேகமாக ஒரு மியூசிக் வீடியோ உருவாக்கப்பட்டிருக்கிறது. அதன்பெயர் சிரிக்காதே.

ஆர்.டி.ராஜா கதை எழுதி தயாரிக்கும் 24 ஏ எம் ஸ்டுடியோஸின் மூன்றாவது படைப்பை, நடிகர் நிவின் பாலியை வைத்து இயக்கும் பிரபு ராதாகிருஷ்ணன் இந்த “சிரிக்காதே…” மியூசிக் வீடியோவை இயக்கியிருக்கிறார்.

மிக பிரமாண்டமான முறையில் தயாரிக்கப்பட்டிருக்கும் இந்த ‘சிரிக்காதே…’ – மியூசிக் வீடியோவை, ‘சோனி மியூசிக்’ நிறுவனம் தங்களின் யூடூப் சேனல் மற்றும் டிவிட்டர் பக்கத்தில் வருகின்ற ஆகஸ்ட் 18 ஆம் தேதி வெளியிட இருக்கிறது.
திரைப்படத்துக்கான பாடல் உருவாக்கம் போல் தயாராகியிருக்கும் இதற்கு இளைஞர்களின் மனம் கவர்ந்த அனிரூத் இசையமைத்து நடித்திருக்கிறார்.

பாடலை இயக்குநர் விக்னேஷ் சிவன் எழுதியிருக்கிறார். அர்ஜுன் கனுங்கோ, ஸ்ரீநிதிவெங்கடேஷ் ஆகியோர் பாடியிருக்கிறார்கள்.

மியூசிக் வீடியோவுக்கு ஸ்வரூப் பிலிப் ஒளிப்பதிவு செய்திருக்கிறார். டி. முத்துராஜ் சிறப்பாக அரங்கம் அமைத்திருக்கிறார்.

இயக்குநர் தனுஜ் படத்தொகுப்பு செய்திருக்கிறார். உடை வடிவமைப்பு பல்லவி சிங், சிகை அலங்காரம் ரேச்சல் பி சிங், அலங்காரம் பின்கி லோஹர், அம்பிகா (ஸ்டைல் ஸ்மித் குழு) உட்பட பெரிய குழுவொன்று இதற்காகப் பணியாற்றியிருக்கிறது.

இதில் அனிருத்துடன் சிவகார்த்திகேயன், கீர்த்தி சுரேஷ், அர்ஜுன் கனுங்கோ, ஸ்ரீநிதிவெங்கடேஷ், இன்னொ கெங்கா, மரியா, ஷாஷங்க் விஜய் மற்றும் கெபாஜெர்மியா ஆகியோர் நடித்திருக்கிறார்கள்.

தமிழைத் தொடர்ந்து ஆங்கிலத்திலும் இந்த சிரிக்காதே மியூசிக் வீடியோ வெளியாகவிருக்கிறது. தமிழில் வெளியான அடுத்த ஒரு வாரத்தில் இன்னொ கெங்கா பாடியிருக்கும் ஆங்கிலப் பதிப்பை வெளியிடத் தயாராக இருக்கிறது ‘MTV’ நிறுவனம்.

’24 ஏ எம்’ நிறுவனத்தின் உரிமையாளர் ஆர்.டி.ராஜா இந்த மியூசிக் வீடியோவையும் படத்தைப் போலவே பெரிய செலவு செய்து தயாரித்திருக்கிறாராம்.

Leave a Response