வாக்கு இயந்திரங்களில் மோசடி – வேலையை தொடங்கியதா பாஜக?

2019 நாடாளுமன்றத் தேர்தல் நடைமுறைகள் தொடங்கியதிலிருந்தே, வாக்கு இயந்திரங்களில் பாஜக மோசடி செய்யும் என்று மக்கள் பேசிக்கொண்டிருக்கிறார்கள்.

தமிழகத்தில் வாக்குப்பதிவு முடிந்து இரண்டு நாட்களுக்குப் பிறகு அதை மெய்ப்பிக்கும் வகையில் ஒரு நிகழ்வு நடந்திருக்கிறது.

மதுரை மக்களவைத் தொகுதியில் வாக்குகள் பதிவு செய்யப்பட்ட வாக்குப்பதிவு இயந்திரங்கள் மதுரை அரசு மருத்துவக்கல்லூரி வளாகத்தில் வைக்கப்பட்டது. இதற்கு 3 அடுக்கு பாதுகாப்பு போடப்பட்டு, அறை முழுவதும் சிசிடிவி கேமரா மூலம் 24 மணி நேரமும் கண்காணிக்கப்பட்டு வருகிறது.

இந்நிலையில் வாக்குப்பதிவு இயந்திரங்கள் வைக்கப்பட்டுள்ள அறைக்கு மர்ம நபர் ஒருவர் நுழைந்து சில ஆவணங்களை நகல் எடுத்து சென்றதாகக் கூறப்படுகிறது.

இதுகுறித்த தகவல் பரவியதை அடுத்து, மார்க்சிஸ்ட் கம்யூனிஸ்ட் கட்சியின் வேட்பாளர் சு.வெங்கடேசன் ஆட்சியரிடம் புகார் அளித்துள்ளார். மேலும் இது குறித்து மாவட்ட ஆட்சியர் நேரில் வந்து விளக்கம் அளிக்கும் வரை தர்ணா போராட்டம் நடைபெறும் என கூறினார். இதனால் அந்தப் பகுதியில் பரபரப்பு நிலவியது.

அறைக்குள் சென்றவர்கள் மீது உரிய நடவடிக்கை எடுக்கப்படும் என ஆட்சியர் நடராஜன் செய்தியாளர்களிடம் கூறினார்.

இதன்பின் வாக்குப்பதிவு ஆவண அறையில் நுழைந்ததாக கலால் வட்டாட்சியர் சம்பூர்ணத்திடம், மாவட்ட ஆட்சியர் விசாரணை மேற்கொண்டார். அவர் 2 மணிநேரம் ஆவண அறையில் இருந்துள்ளார். ஆனால், வாக்குப் பதிவு இயந்திரங்கள் வைக்கப்பட்டு உள்ள பாதுகாப்பு அறைக்குள் நுழையவில்லை என தகவல் தெரிவிக்கின்றது.

இந்நிலையில், மதுரையில் வாக்குப் பதிவு ஆவணங்கள் உள்ள அறைக்குள் நுழைந்த பெண் வட்டாட்சியர் பணி இடைநீக்கம் செய்யப்பட்டு உள்ளார்.

இந்நிகழ்வால் வாக்கு இயந்திரங்களில் மோசடி செய்யும் வேலையை பாஜக தொடங்கிவிட்டதாக மக்கள் கூறுகின்றனர்.

Leave a Response